Touch Me

Meesho App Kya Hai Aur Unse Kaise Earning Kare In Hindi

Meesho App Se Earning Kaise Kare: 

Hello friends, Aaj ham is article me baat karenge ki aap kaise Ghar baithe product reselling ka business start kar sakte hai aur wo bhi bilkul free me yani ki aapko ek bhi rupees lagane ki jarurat nahi hai. Aur ap bahut hi achhi income ghar baithe kar sakte hai. Ye business koi bhi person kar sakta hai. Students se lekar retired person. Aur agar aap ek students hai tab aapko ye business bilkul karna chahiye. Jo students college ke Baad Khali samay Ko invest karke achhi income karna chahta hai uske liye ye bahut badi opportunity hai. 




Meesho Kya Hai :


Meesho ek product reselling business hai. Jisme aapko ek bhi rupees ki investment nahi karni hai. Aapko meesho ke jo bhi products hai usko apne friends aur family ke saath share karna hai aur jab bhi aapke friends us product me apna interest dikhate hai to aapko meesho app par order place kar dena hai.


Work Kaise Karna Hai:


Meesho me work karne ke liye Sabse pehle aapko meesho ki app install karni padegi jo apko play store par mil jayegi.Aap yaha se bhi Meesho App download kar sakte hai Is app ko open karne ke bad aapko register karna hai. Open karne ke baad apko clothing ke 1000+ variety mil jayegi, jisko aap sell kar sakte hai. Ab aapko inme se kisi bhi product ko choose karna hai aur SHARE ke option par click karna hai. Click karne ke bad aap WhatsApp par redirect ho jayege usko apne friends, relatives ya kisi bhi group ya person ko share kar sakte hai. Phir jab aap back aayege tab uska description bhi WhatsApp par redirect ho jayega jise aapko share karna hai.



Ab agar apka product koi kharidna chahta hai wo directly aapka contact karega. Ab apko kya karna hai ki jab bhi koi order aata hai to aapko Sabse pehle us product par view supply par click karna hai uske baad add to cart karna hai. Ab man lijiye ki product ka price 399 rupees hai aur aapko 100 rupees profit chahiye to apko price 499 rakhna hai. Ap apne hisab se price rakh sakte hai. Is app me sabse khas baat ye hai ki aap apne customer ko cash on delivery payment ka option de sakte hai aur agar aapke customer ko product pasand nahi aata hai to usko aasani se return bhi kar sakte hai, jinse aap apne customer ka trust badhega aur wo aapse hi product purchase karega.

Order Kaise Kare:


Uske bad aapko customer ka pincode check karna hai ki waha deliver hogi ki nahi? Phir aapko apne customer ka phone number, E-mail aur delivery address collect karna haiPhir payment method choose karna hai aur customer ka address dalna hai bad me sender ki detail dalni hai yani ki khud ki aur next aapko product ki size aur quantity add karke order place kar dena hai uske baad saara kam company khud karegi aur aapke customer tak product pahucha degi.


Payment Kaise Milegi:


Next aapko apna profit add karna hai. Ap apne hisab se apna profit add kar sakte hai aur proceed karna hai. Aur jab product customer tak pahuch jayegi uske bad apki payment aapke bank account me transfer kar di jayegi aur payment aapko har month ki 10, 20 aur 30 tarikh ko initiate kar di jayegi aur aapke bank account me within 2 to 3 days me show ho jayegi. Ab meesho ne apni nayi feature launch ki hai jo ki invite and earn ka feature hai aur is feature me agar aap apne friends ya family ko meesho app refer karte hai aur usko bhi reseller banate hai to aapko us referral se pehle order par 250 rupees tak ka commission mil sakta hai aur inke per order par 5% tak commission pehle six month ke liye aur 1% commission milta rahega.


To dosto, ye information thi kuchh meesho app ke baare me jo ki aap apna khud ka business start kar sakte hai aur wo bhi bina ek rupees lagaye.Asha hai ki aapko ye information achhi lagi hai aur  agar aapko ye information achhi lagi hai to apne dosto ke saath jarur share kare aur aapka koi bhi sawal hai to niche comment karke jarur bataye.


Post a Comment

0 Comments